NCIB NEWS

कोल्हापूर : पर्यावरण संवर्धन, स्वच्छता आणि सामाजिक बांधिलकीचा संदेश जनसामान्यांपर्यंत पोहोचविण्याच्या उद्देशाने जगद्गुरु श्रीमद् रामानंदाचार्य नरेंद्राचार्य यांच्या प्रेरणेने आयोजित करण्यात आलेल्या ‘वसुंधरा पायी दिंडी २०२६’ या उपक्रमांतर्गत विविध उपपीठांतून हजारो वारकरी श्रीक्षेत्र नाणीजधामच्या दिशेने पायी मार्गस्थ झाले आहेत. या दिंड्यांचा समारोप बुधवार, दि. २१ ऑक्टोबर २०२६ रोजी श्रीक्षेत्र नाणीजधाम, जि. रत्नागिरी येथे होणार आहे. कोल्हापूर जिल्ह्यात या दिंड्यांचे चार ठिकाणी आगमन होणार असून, जिल्हा सेवा समितीच्या वतीने त्यांचे स्वागत करण्यात येणार आहे. दि. १५ ऑक्टोबर रोजी तेलंगणा उपपीठाच्या दिंडीचे जयसिंगपूर, ता. शिरोळ येथे, दि. १६ ऑक्टोबर रोजी मराठवाडा उपपीठाच्या दिंडीचे सरूड, ता. शाहूवाडी येथे, दि. १७ ऑक्टोबर रोजी पूर्व विदर्भ उपपीठ नागपूरच्या दिंडीचे तुरुकवाडी, ता. शाहूवाडी येथे, तर दि. १८ ऑक्टोबर रोजी उत्तर महाराष्ट्र उपपीठ नाशिकच्या दिंडीचे तुरुकवाडी येथे आगमन होणार आहे. या चारही ठिकाणी दिंड्यांचे स्वागत करण्यात येणार असल्याची माहिती कोल्हापूर जिल्हा सेवा समितीच्या वतीने देण्यात आली.

पूर्व विदर्भ उपपीठ नागपूर, उत्तर महाराष्ट्र उपपीठ नाशिक, तेलंगणा उपपीठ, मराठवाडा उपपीठ, गोवा उपपीठ, मुंबई उपपीठ वसई आणि पश्चिम महाराष्ट्र उपपीठ पुणे, तसेच रामानंद संप्रदायाचे मुख्यपीठ असलेल्या श्रीक्षेत्र नाणीजधाम येथून या उपक्रमाला व्यापक स्वरूप प्राप्त झाले आहे. विविध भागांतील हजारो वारकरी शेकडो किलोमीटरचा पायी प्रवास करून नाणीजधाम येथे दाखल होणार आहेत. जगद्गुरु श्रीमद् रामानंदाचार्य नरेंद्राचार्य यांचा ६० वा वाढदिवस दि. २१ ऑक्टोबर २०२६ रोजी श्रीक्षेत्र नाणीजधाम येथे साजरा होणार आहे. या निमित्ताने विविध ठिकाणांहून निघालेल्या वसुंधरा पायी दिंड्या नाणीजधाम येथे एकत्र येणार असून, या सोहळ्याच्या पार्श्वभूमीवर पर्यावरण संवर्धन आणि सामाजिक सेवेचा संदेश अधिक व्यापक स्तरावर पोहोचविण्यात येत आहे.

सध्याच्या काळातील गंभीर जागतिक समस्यांपैकी एक असलेल्या तापमानवाढीकडे समाजाचे लक्ष वेधणे, वृक्षसंवर्धनाचे महत्त्व पटवून देणे आणि स्वच्छतेची सवय समाजात रुजविणे हा वसुंधरा पायी दिंडीचा प्रमुख उद्देश आहे. विशेष म्हणजे हा उपक्रम केवळ जनजागृतीपुरता मर्यादित न ठेवता दिंडीच्या संपूर्ण व्यवस्थापनातून पर्यावरणपूरक जीवनशैलीचा आदर्श घालून देण्याचा प्रयत्न केला जात आहे. हजारो वारकऱ्यांच्या भोजन, निवास, स्नान, पिण्याचे पाणी आणि स्वच्छतेची व्यवस्था करताना पर्यावरणाची हानी होणार नाही, याची विशेष काळजी घेतली जात आहे. दिंडीच्या मार्गावर कचरा साचू नये यासाठी स्वतंत्र स्वच्छता सेवेकरी पथक कार्यरत आहे. तसेच स्वच्छतेसाठी स्वतंत्र टॉयलेट व्हॅन आणि पिण्याचे पाणी व इतर आवश्यक वापरासाठी दोन स्वतंत्र पाण्याचे टँकर दिंडीसोबत ठेवण्यात आले आहेत. वसुंधरा संवर्धनाचा संदेश प्रत्यक्ष कृतीतून देण्यासाठी दिंडीच्या प्रवासादरम्यान दररोज वृक्षारोपण करण्यात येत आहे. दिंडी पुढे गेल्यानंतर संबंधित परिसरात कचरा किंवा अस्वच्छता राहणार नाही, यासाठीही विशेष खबरदारी घेतली जात आहे.

वसुंधरा पायी दिंडीचे आणखी एक वैशिष्ट्य म्हणजे तिची शिस्तबद्ध वाटचाल. रस्त्यावरील वाहतुकीला अडथळा होऊ नये, यासाठी वारकरी रस्त्याच्या एका बाजूने रांगेतून, एकाच तालात आणि लयीत सांप्रदायिक गजर करीत मार्गक्रमण करत आहेत. वारकऱ्यांची विशिष्ट रंगसंगतीतील वेशभूषा दिंडीचे आकर्षण वाढवत आहे. गर्दीच्या परिसरातून प्रवास करतानाही जागतिक तापमानवाढ, वृक्षसंवर्धन आणि स्वच्छतेविषयी जनजागृती केली जात आहे. या उपक्रमाचे हे सलग चौथे वर्ष असून, पर्यावरण संरक्षणासाठी सातत्याने प्रयत्न करण्याची संस्थानाची भूमिका यातून अधोरेखित होत आहे. दिंडीत सहभागी वारकऱ्यांच्या आरोग्याची आणि सुरक्षिततेचीही विशेष काळजी घेण्यात आली आहे. यात्रेकरूंना वेळेवर सकस आहार उपलब्ध करून दिला जात असून, दिंडीसोबत संस्थानाची रुग्णवाहिका आणि वैद्यकीय पथक कार्यरत आहे. युवा-युवती, महिला-पुरुष, ज्येष्ठ नागरिक अशा विविध वयोगटांतील आणि समाजातील सर्व स्तरांतील भाविक या उपक्रमात सहभागी झाले आहेत.

दिंडीतील वारकऱ्यांच्या सुरक्षिततेसाठी आधुनिक तंत्रज्ञानाचाही वापर करण्यात येत आहे. प्रत्येक सहभागी यात्रेकरूची दिवसातून पाच वेळा विशेष ॲप आणि क्यूआर कोडच्या माध्यमातून उपस्थिती नोंदविली जात आहे. त्यामुळे यात्रेकरूंची उपस्थिती आणि आवश्यक माहिती व्यवस्थापनाला नियमितपणे उपलब्ध होत असून, संपूर्ण दिंडीवर प्रभावीपणे लक्ष ठेवणे शक्य होत आहे. अध्यात्म, मानवसेवा आणि आधुनिक तंत्रज्ञान यांचा समन्वय साधण्याच्या उद्देशाने जगद्गुरु श्रीमद् रामानंदाचार्य नरेंद्राचार्य यांच्या हस्ते नुकतेच ‘ब्लड इन नीड’ या अभिनव ॲपचे लोकार्पण करण्यात आले. या ॲपच्या माध्यमातून एखाद्या रुग्णाला विशिष्ट रक्तगटाची तातडीने आवश्यकता भासल्यास संबंधित भौगोलिक क्षेत्रातील त्याच रक्तगटाच्या इच्छुक रक्तदात्यांशी अल्पावधीत संपर्क साधता येणार आहे. यामुळे गरजू रुग्ण आणि रक्तदाता यांच्यात तंत्रज्ञानाच्या साहाय्याने थेट संपर्क निर्माण करण्यास मदत होणार आहे. ‘तुम्ही जगा, दुसऱ्याला जगवा’ या जगद्गुरु श्रीमद् रामानंदाचार्य नरेंद्राचार्य यांच्या मानवतावादी शिकवणीनुसार रामानंद संप्रदाय विविध सेवाभावी उपक्रम राबवत आहे.

संप्रदायाच्या अलीकडे राबविण्यात आलेल्या वृक्षारोपण अभियानांतर्गत अवघ्या १५ दिवसांत देशभरात सहा लाखांहून अधिक वृक्षांची लागवड करण्यात आली. यापूर्वी जानेवारी महिन्यात दोन आठवड्यांच्या कालावधीत आयोजित रक्तदान अभियानातून दोन लाखांहून अधिक रक्तपिशव्यांचे संकलन करून त्या देशातील महत्त्वाच्या रक्तपेढ्यांना उपलब्ध करून देण्यात आल्या. मरणोत्तर देहदानासाठी संप्रदायातील ५६ हजारांहून अधिक वारकऱ्यांनी संकल्पपत्रे भरली आहेत. आतापर्यंत २४३ हून अधिक देह वैद्यकीय शिक्षण आणि संशोधनासाठी वैद्यकीय महाविद्यालयांना दान करण्यात आले आहेत. मरणोत्तर अवयवदानाच्या माध्यमातूनही गरजू रुग्णांना जीवनदान देण्याचे कार्य केले जात आहे.

सनातन संस्कृतीचे जतन करतानाच आधुनिक आणि समाजाभिमुख विचार स्वीकारणे, हे जगद्गुरु श्रीमद् रामानंदाचार्य नरेंद्राचार्य यांच्या कार्याचे वैशिष्ट्य मानले जाते. समाजातील सर्व स्तरांतील मुलांसाठी वेदपठणाच्या क्षेत्रात करिअरच्या संधी उपलब्ध करून देण्याबरोबरच मुलींनाही वेदाध्ययनाची संधी देण्याचा प्रयत्न केला जात आहे. श्रीक्षेत्र नाणीजधाम येथील शिक्षण संकुलाच्या माध्यमातून गरीब आणि शेतकरी कुटुंबांतील विद्यार्थ्यांना इंग्रजी माध्यमातून सीबीएसई अभ्यासक्रमाचे मोफत शिक्षण दिले जात आहे. याशिवाय महाराष्ट्रातील विविध महामार्गांवर ५३ रुग्णवाहिकांच्या माध्यमातून अपघातग्रस्तांना मोफत आपत्कालीन सेवा उपलब्ध करून दिली जात आहे. कच्चे बंधारे उभारणे, शेतकऱ्यांना बियाण्यांचे वाटप करणे आणि आधुनिक शेती अवजारांचे वितरण करणे अशा उपक्रमांतून ग्रामीण भागाचा विकास आणि शेतकरी वर्गाच्या सक्षमीकरणासाठीही कार्य केले जात आहे.

अध्यात्म केवळ वैयक्तिक साधनेपुरते मर्यादित न ठेवता पर्यावरण संरक्षण, मानवसेवा, शिक्षण, आरोग्य, रक्तदान, देहदान, अवयवदान आणि शेतकरी सक्षमीकरणाशी जोडण्याचा प्रयत्न रामानंद संप्रदायाच्या विविध उपक्रमांतून सातत्याने केला जात आहे. पर्यावरण संवर्धनाचा संदेश प्रत्यक्ष कृतीतून समाजापर्यंत पोहोचविणारी ‘वसुंधरा पायी दिंडी २०२६’ ही या सेवाभावी वाटचालीतील एक महत्त्वपूर्ण मोहीम ठरत आहे. कोल्हापूर जिल्ह्यात चार ठिकाणी दाखल होणाऱ्या या दिंड्यांचे स्वागत करण्यासाठी तसेच पर्यावरण संवर्धनाच्या या उपक्रमात सहभागी होण्यासाठी भाविकांनी मोठ्या संख्येने उपस्थित राहावे, असे आवाहन कोल्हापूर जिल्हा सेवा समितीच्या वतीने करण्यात आले आहे.

कोल्हापूर: कोल्हापूर शहरात दि. ११/१०/२०२६ ते दि. २०/१०/२०२६ रोजी अखेर मोठ्या प्रमाणात नवरात्र उत्सव साजरा होत आहे. श्री अंबाबाई देवीच्या दर्शनाकरिता महाराष्ट्र राज्यातून व इतर राज्यांतून मोठ्या प्रमाणात भाविक आपापल्या मोटार वाहनांनी येत असतात.
श्री अंबाबाई मंदिराच्या सुरक्षिततेच्या दृष्टीने तसेच सदर परिसरामधील वाहतूक सुरळीत व सुरक्षित राहावी, कायदा व सुव्यवस्थेचा प्रश्न निर्माण होऊ नये, नागरिक व भाविकांना रस्ता सुरक्षा प्रस्थापित होणे आवश्यक आहे. त्याकरिता मा. पोलीस अधीक्षक, कोल्हापूर यांनी खालीलप्रमाणे निर्देश दिले आहेत.
अ) जड, अवजड व हलकी मालवाहू वाहने यांच्यावरील निर्बंध
क्रमांक ५३ वाहि/जाहिरनामा/९९/२०१९, दि. २४/०१/२०१९ च्या जाहिरनाम्यानुसार अवजड वाहनांना सकाळी १०:०० ते रात्री ०८:०० वाजेपर्यंत घालण्यात आलेली शहरातील प्रवेशबंदी नेहमीप्रमाणे कायम राहील.
ब) अवजड वाहनांसाठी वाढीव प्रवेशबंदी
श्री अंबाबाई मंदिर परिसरामध्ये भाविकांची होणारी गर्दी पाहता सदर भागामध्ये अवजड वाहनांना प्रवेशबंदी करणे आवश्यक आहे. त्याकरिता रात्री ०८:०० ते रात्री १०:०० वाजेपर्यंत खालील नमूद चौकांतून अंबाबाई मंदिर परिसरामध्ये येणाऱ्या अवजड वाहनांना नवरात्र उत्सव कालावधीमध्ये वाढीव निर्बंध घालण्यात येत आहेत.
अवजड वाहनांसाठी वाढीव प्रवेशबंदीची ठिकाणे :
सीपीआर हॉस्पिटल चौक – सोन्या मारुती चौक – तोरस्कर चौक – गायकवाड बंगला – गंगावेश – रंकाळा स्टँड – तटाकडील तालीम – तांबट कमान – जुना वाशी नाका – देवकर पानंद पेट्रोल पंप – देवकर पानंद चौक – इंदिरासागर चौक – रेसकोर्स नाका – गोखले कॉलेज – सावित्रीबाई फुले हॉस्पिटल – उमा टॉकीज चौक – रिलायन्स मॉल – फोर्ड कॉर्नर सिग्नल चौक – कोंडा ओळ चौक – दसरा चौक.
क) एकेरी मार्गावर घालण्यात आलेले निर्बंध
१. प्रथमेश ऑईल स्पेअर पार्ट कॉर्नर ते संघवी हॉस्पिटल ते गुंदेशा भांडी दुकान कॉर्नर ते एम.एल.जी. हायस्कूल कॉर्नर ते बालगोपाल तालीम हा मार्ग एकेरी मार्ग असून, अत्यावश्यक सेवेतील वाहने व स्थानिक पासधारक रहिवासी वगळता सर्व वाहनांना प्रवेश बंद आहे. सदर मार्गावरील एम.एल.जी. हायस्कूल ग्राउंडवर दुचाकी पार्किंगची सुविधा देण्यात आलेली आहे.
२. भवानी मंडप कमान ते बिंदू चौक कमान (जेल रोड) हा रस्ता एकेरी मार्ग असून, त्यावर विरुद्ध दिशेने येण्यास मनाई करण्यात येत आहे.
३. बिंदू चौक ते शिवाजी चौक आणि वणकुंद्रे भांडी दुकान महाद्वार रोड ते पापाची तिकटी तसेच भेंडे गल्ली रोड हे नेहमीप्रमाणे एकेरी मार्ग कायम राहतील.
४. बिनखांबी, महाद्वार रोड ते पापाची तिकटी जाणारा एकेरी मार्ग दुपारी ०४:०० ते रात्री १०:०० वाजेपर्यंत सर्व रिक्षांसाठी बंद करण्यात येत आहे.
५. बिनखांबी, महाद्वार ते पापाची तिकटी रोडवर चारचाकी वाहनांना नवरात्र उत्सव कालावधीत नऊ दिवस प्रवेश बंद करण्यात येत आहे.
६. दुचाकी वाहनांना आवश्यकतेनुसार प्रवेश देण्यात येईल.
७. महाद्वार रोडवरील व्यावसायिकांच्या मालाची ने-आण करणाऱ्या वाहनांना रात्री १०:०० ते सकाळी ०६:०० या वेळेतच प्रवेश देण्यात येईल.
ड) आवश्यकतेनुसार प्रवेश बंद व सुरू करण्यात येणारे मार्ग
१. छत्रपती शिवाजी महाराज पुतळा ते भवानी मंडप या मार्गावर सर्व प्रकारच्या वाहनांना आवश्यकतेनुसार प्रवेश बंद व सुरू करण्यात येईल.
२. बिंदू चौक ते छत्रपती शिवाजी महाराज पुतळा या मार्गावर सर्व प्रकारच्या वाहनांना आवश्यकतेनुसार प्रवेश बंद व सुरू करण्यात येईल.
इ) दुचाकी वाहन पार्किंगकरिता मार्ग नियोजन
१. एम.एल.जी. हायस्कूल
पार्किंगची वेळ : सायंकाळी ०६:०० ते रात्री १०:०० वाजेपर्यंत.
मार्ग : मिरजकर तिकटी ते बालगोपाल तालीममार्गे एम.एल.जी. हायस्कूल.
२. जेल रोड – उजवी बाजू
मार्ग : छत्रपती शिवाजी महाराज पुतळा चौक ते भवानी मंडप.
३. मेन राजाराम हायस्कूल
पार्किंगची वेळ : सायंकाळी ०५:०० ते रात्री १०:०० वाजेपर्यंत.
मार्ग : छत्रपती शिवाजी महाराज पुतळा चौक ते भवानी मंडप.
४. गुजरी पेठ – दोन्ही बाजू
मार्ग : छत्रपती शिवाजी महाराज पुतळा चौक ते भवानी मंडप.
५. महाद्वार रोड
पार्किंगची वेळ : सायंकाळी ०६:०० ते रात्री १०:०० वाजेपर्यंत.
मार्ग : मिरजकर तिकटी ते खरी कॉर्नर ते बिनखांबी.
६. पुढारी ऑफिस ते मराठा बँक – डावी बाजू
मार्ग : सीपीआर सिग्नल येथून.
७. करवीर पंचायत समिती कार्यालयासमोरील पटांगण
मार्ग : सीपीआर सिग्नल येथून.
ई) नवरात्र उत्सवामध्ये के.एम.टी. बसेससाठी रहदारी नियमन
नवरात्र उत्सवामध्ये छत्रपती शिवाजी चौक परिसर व भवानी मंडप परिसरामध्ये भाविकांची फार मोठ्या प्रमाणात गर्दी होत असते. त्यामुळे छत्रपती शिवाजी चौकातील वाहतूक कोंडी टाळण्यासाठी या मार्गाने धावणाऱ्या के.एम.टी. बसेसच्या मार्गामध्ये बदल करणे आवश्यक आहे.
के.एम.टी.साठी निर्देश :
नवरात्र उत्सव काळामध्ये सकाळी ०८:०० ते रात्री १०:०० वाजेपर्यंत बिंदू चौक ते छत्रपती शिवाजी पुतळा ते माळकर चौक ते लुगडी ओळ या मार्गाने धावणाऱ्या के.एम.टी. बसेस बिंदू चौक ते आईसाहेब महाराज पुतळा ते स्वयंभू गणेश मंदिर या मार्गाने मार्गस्थ होतील. त्यांना शिवाजी चौकाकडे येण्यास मनाई करण्यात येते.
उ) छत्रपती शिवाजी चौक येथील रिक्षा स्टॉपकरिता निर्देश
नवरात्र उत्सव काळामध्ये बिंदू चौकाकडून येणाऱ्या प्रवासी वाहतुकीच्या रिक्षांना छत्रपती शिवाजी चौकामध्ये प्रवासी उतरविण्यास मनाई करण्यात येत आहे. त्यांनी शिवाजी चौकाच्या अगोदर किंवा पुढील भागामध्ये प्रवासी उतरवावेत.
तेथून रिक्षा स्टॉपवर येण्यासाठी पापाची तिकटी ते गंगावेश ते डॉ. पिशवीकर हॉस्पिटल ते कसबा गेट पोलीस चौकीमार्गे भेंडे गल्लीतून शिवाजी चौक या मार्गाचा वापर करावा. त्यांनी आपल्या रिक्षा संवाद वाचा व श्रवण केंद्र ते मानसी मेडिकल या दरम्यान रस्त्याच्या एका बाजूस क्रमानुसार पार्क कराव्यात.
ऊ) भवानी मंडप, छत्रपती शिवाजी महाराज चौक व माधुरी बेकरी येथील रिक्षा स्टॉपकरिता निर्देश
नवरात्र उत्सव काळामध्ये भवानी मंडप, छत्रपती शिवाजी महाराज चौक व माधुरी बेकरी येथील रिक्षा स्टॉप बंद राहतील. सदर ठिकाणच्या रिक्षांसाठी पर्यायी रिक्षा स्टॉपचा वापर करावयाचा आहे.
१) कोल्हापूर शहरात प्रवेश करणाऱ्या मार्गनिहाय लक्झरी बस यांच्यासाठी पार्किंग व्यवस्था
नवरात्र उत्सव काळात कोल्हापूर शहरात भाविक आणि त्यांच्या वाहनांची मोठ्या प्रमाणात गर्दी होते. वाहनांच्या गर्दीमुळे शहरात रहदारीचा खोळंबा होऊ नये, याकरिता खालील ठिकाणी लक्झरी व मिनी बस पार्किंगची सुविधा देण्यात आलेली आहे.
लक्झरी बस पार्किंगची ठिकाणे :
१. १०० फुटी रोड
२. एस्तेर पॅटर्न स्कूल
३. अमेरिकन बंगला
४. पंचगंगा घाट
५. निर्माण चौक
६. तपोवन मैदान
७. शाहू दयानंद हायस्कूल येथील प्रशस्त मैदान.
अ) पुणे, सातारा व सांगली विभागाकडून येणाऱ्या लक्झरी/मिनी बसेस
मार्ग क्रमांक १ : टोप संभापूर ते नागाव फाटा ते सांगली फाटा ओव्हरब्रिज ते तावडे हॉटेल ते ताराराणी पुतळा चौक ते धैर्यप्रसाद चौक ते एस्तेर पॅटर्न (ई.पी. स्कूल) मैदान पार्किंग व अमेरिकन बंगला ते जिल्हाधिकारी कार्यालय चौक ते खानविलकर पेट्रोल पंप ते १०० फुटी रोड पार्किंग.
मार्ग क्रमांक २ : टोप संभापूर ते शिये फाटा ते कसबा बावडा ते पोस्ट ऑफिस चौक ते खानविलकर पेट्रोल पंप ते १०० फुटी रोड पार्किंग.
ब) कागल, कर्नाटक व बेळगाव विभागाकडून येणाऱ्या लक्झरी/मिनी बसेस
शाहू टोल नाका ते हायवे कॅन्टीन ते सायबर चौक ते एस.एस.सी. बोर्ड ते शेंडा पार्क चौक ते हॉकी स्टेडियम चौक ते शाहू दयानंद हायस्कूल तसेच निर्माण चौक/तपोवन मैदान या ठिकाणी पार्किंग करतील.
टीप : संबंधित वाहनांना सायबर चौक, एन.सी.सी. भवन चौक, एस.एस.सी. बोर्ड, शेंडा पार्क चौक व हॉकी स्टेडियम चौक या ठिकाणांहून महालक्ष्मी मंदिराकडे जाण्यास मनाई करण्यात येत आहे.
क) गारगोटी व कळंबा मार्गावरील लक्झरी/मिनी बसेस
कळंबा साई मंदिर ते इंदिरा सागर सिग्नल चौक ते निर्माण चौक/तपोवन मैदान या ठिकाणी पार्किंग करतील.
तसेच इंदिरा सागर ते हॉकी स्टेडियम ते शाहू दयानंद हायस्कूल येथे पार्किंगची व्यवस्था राहील.
टीप : संबंधित वाहनांना इंदिरा सागर सिग्नल चौक या ठिकाणी महालक्ष्मी मंदिराकडे जाण्यास मनाई करण्यात येत आहे.
ड) राधानगरी मार्गावरील लक्झरी/मिनी बसेस
नवीन वाशी नाका ते क्रशर चौक ते देवकर पानंद चौक ते संभाजीनगर चौक ते इंदिरा सागर सिग्नल चौक ते निर्माण चौक/तपोवन मैदान या ठिकाणी पार्किंग करतील.
टीप : संबंधित वाहनांना क्रशर चौक, देवकर पानंद चौक व इंदिरा सागर सिग्नल चौक या ठिकाणी महालक्ष्मी मंदिराकडे जाण्यास मनाई करण्यात येत आहे.
ई) गगनबावडा आणि कोकण विभागाकडून येणाऱ्या लक्झरी/मिनी बसेस
फुलेवाडी नाका ते फुलेवाडी रिंग रोड ते आपटे नगर ते क्रशर चौक ते देवकर पानंद चौक या मार्गाने येणारी वाहने क्रशर चौक ते राजकपूर पुतळा, रंकाळा बाजूस रस्त्याच्या कडेला पार्किंग करतील. तसेच संभाजीनगर चौक ते इंदिरा सागर सिग्नल चौक ते निर्माण चौक/तपोवन मैदान या ठिकाणी पार्किंग करतील.
टीप : संबंधित वाहनांना फुलेवाडी नाका, पी.एन. पाटील गॅरेज, क्रशर चौक, देवकर पानंद चौक व इंदिरा सागर सिग्नल चौक या ठिकाणी महालक्ष्मी मंदिराकडे जाण्यास मनाई करण्यात येत आहे.
फ) शाहूवाडी, रत्नागिरी आणि कोकण विभागाकडून येणाऱ्या लक्झरी/मिनी बसेस
केर्ली ते छत्रपती शिवाजी महाराज पूल ते पंचगंगा घाट पार्किंग या मार्गाचा वापर करावा.
२) चारचाकी कार, जीप, रिक्षा व क्रुझर वाहनांची पार्किंग व्यवस्था
१. बिंदू चौक पे अँड पार्क
२. व्हिनस कॉर्नर गाडी अड्डा पे अँड पार्क
३. छत्रपती शिवाजी महाराज स्टेडियम परिसर
४. प्रायव्हेट हायस्कूल
५. छत्रपती शिवाजी रोड पी-१ व पी-२
६. आयर्विन ख्रिश्चन हायस्कूल
७. माधुरी बेकरी ते कॉमर्स कॉलेज डावी बाजू
८. दिलबहार चौक ते रावणेश्वर मंदिराच्या रस्त्याची डावी बाजू
९. पेटाळा/न्यू एज्युकेशन सोसायटीचा परिसर
१०. गांधी मैदान
११. शाहू दयानंद हायस्कूल
१२. तांबट कमान ते जॉकी बिल्डिंग रस्त्याची डावी बाजू
१३. मेन राजाराम हायस्कूल
१४. ससुर बाग शाळा
१५. सरस्वती टॉकीज बहुमजली पार्किंग
१६. गोकुळ हॉटेलजवळील पार्किंग
१७. ससुर बाग शाळा.
३) मार्गनिहाय चारचाकी वाहनांची पार्किंग व्यवस्था
पुणे, सातारा व सांगली विभागाकडून येणारी वाहने : बिंदू चौक पार्किंग, व्हिनस गाडी अड्डा व दोन्ही पे अँड पार्क येथे वाहन पार्किंग करावे. तावडे हॉटेल ते ताराराणी पुतळा ते दसरा चौक ते बिंदू चौक तसेच संबंधित पर्यायी मार्गांचा वापर करावा.
कागल, कर्नाटक व बेळगाव विभागाकडून येणारी वाहने : शिवाजी स्टेडियम परिसर पार्किंग, प्रायव्हेट हायस्कूल पार्किंग, रावणेश्वर मंदिर रस्त्याच्या एका बाजूचे पार्किंग व पेटाळा पार्किंगचा वापर करावा.
गारगोटी व कळंबा मार्गावरील वाहने : पेटाळा पार्किंग व गांधी मैदान पार्किंगचा वापर करावा.
राधानगरी मार्गावरील वाहने : पेटाळा पार्किंग व गांधी मैदान पार्किंगचा वापर करावा.
कोकण व गगनबावडा विभागाकडून येणारी वाहने : संध्यामठ परिसरातील एका बाजूच्या पार्किंगचा वापर करावा.
शाहूवाडी, रत्नागिरी व कोकण विभागाकडून येणारी वाहने : बिंदू चौक पार्किंग, प्रायव्हेट हायस्कूल पार्किंग व पंचगंगा घाट पार्किंगचा वापर करावा.
कोल्हापूर शहरात प्रवेश केलेली वाहने : छत्रपती शिवाजी रोड पी-१ व पी-२, माधुरी बेकरी ते कॉमर्स कॉलेजची डावी बाजू (रिक्षा स्टॉप वगळून) आणि मेन राजाराम हायस्कूलसमोरील पटांगण येथे आवश्यकतेनुसार पार्किंगची व्यवस्था राहील.
४) पोलीस मुख्यालय येथील फ्लॉवर फेस्टिव्हल अनुषंगाने रहदारी नियमन
१. जिल्हा व सत्र न्यायालय चौक येथून पोलीस अधीक्षक कार्यालय चौकमार्गे पितळी गणपती चौकाकडे जाणारी वाहतूक एकाच मार्गावर संथ गतीने सुरू राहील. सदर मार्गावर कोणतेही वाहन पार्क होणार नाही.
२. भगवा चौक व पितळी गणपती चौकाकडून पोलीस अधीक्षक कार्यालय चौकाकडे जाणाऱ्या जड-अवजड व मध्यम आकाराच्या वाहनांना प्रवेश बंद करण्यात येत असून, सदर वाहनांनी पर्यायी मार्गाचा अवलंब करावा.
३. भगवा चौक व पितळी गणपती चौक येथून पोलीस अधीक्षक कार्यालय चौकाकडे जाणाऱ्या व येणाऱ्या चारचाकी वाहनांसाठी आवश्यकतेनुसार वाहतूक नियमन करण्यात येईल.
४. भगवा चौक ते पितळी गणपती चौक या मार्गावर एकाच बाजूने दोन्ही बाजूची वाहतूक संथ गतीने होणार असल्याने वाहनधारकांनी पोलिसांच्या सूचनांचे पालन करावे.
वरीलप्रमाणे मोटार वाहनांना वाहतुकीस प्रवेश बंद करणे, एकेरी वाहतूक मार्ग निश्चित करणे, वाहतूक वळविणे, मोटार वाहने थांबविण्यास व पार्किंग करण्यास मनाई करणे तसेच आवश्यकतेनुसार शहरातील इतर मार्ग तात्पुरत्या स्वरूपात सुरू किंवा बंद करण्याचे निर्देश देण्यात येत आहेत.
तसेच आवश्यक वेळी परिस्थितीनुसार योग्य ते निर्देश वेळोवेळी देण्यात येतील. तरी वाहनधारक व नागरिक यांनी पोलिसांनी दिलेल्या निर्देशांचे पालन करावे. असे आवाहन(नंदकुमार मोरे)पोलीस निरीक्षक
शहर वाहतूक नियंत्रण शाखाकोल्हापूर यांच्यावतीने करण्यात आले आहे

सेवा संकल्प अभियान में विद्यार्थियों ने दिखाई प्रतिभा

चित्रकला एवं भाषण प्रतियोगिताओं में विद्यार्थियों ने उत्साहपूर्वक किया प्रतिभा का प्रदर्शन

पांढुर्णा, 28 सितंबर 2026।
सेवा संकल्प अभियान के अंतर्गत सांदीपनि विद्यालय, पांढुर्णा में जिला स्तरीय चित्रकला एवं भाषण प्रतियोगिता का आयोजन किया गया। प्रतियोगिता का उद्देश्य विद्यार्थियों की रचनात्मकता, अभिव्यक्ति क्षमता और वक्तृत्व कौशल को प्रोत्साहित करना रहा। जिले के विभिन्न विद्यालयों से पहुंचे विद्यार्थियों ने उत्साहपूर्वक सहभागिता की।

चित्रकला प्रतियोगिता में कैलाशपति सिंधानिया स्कूल, रेमंड, सौंसर के नैतिक टेकाड़े ने प्रथम, शासकीय उच्चतर माध्यमिक विद्यालय बड़चिचौली के तस्लीम शेख ने द्वितीय तथा लिटिल फ्लावर स्कूल, पांढुर्णा के मंथन बालपांडे ने तृतीय स्थान प्राप्त किया।

वहीं भाषण प्रतियोगिता में सुभाष मॉन्टेसरी स्कूल, सौंसर के अर्थव वड़स्कर प्रथम, कैलाशपति सिंधानिया स्कूल की अनुजा पांडे द्वितीय तथा सरस्वती शिशु मंदिर, तीगांव की दीपाली नवघरे तृतीय रहीं।

विजेताओं को पुरस्कार एवं प्रमाण-पत्र

विजेता विद्यार्थियों को प्रमाण-पत्र के साथ क्रमशः ₹2100, ₹1100 और ₹500 की पुरस्कार राशि प्रदान की गई।

पुरस्कार वितरण कार्यक्रम में पूर्व शिक्षा मंत्री नानाभाऊ मोहोड़ के प्रतिनिधि संदीप मोहोड़, जिला अध्यक्ष पांढुर्णा संदीप घाटाई, नगर पालिका अध्यक्ष पांढुर्णा मोरेश्वर मर्सकोले, अजा-अजजा मोर्चा सदस्य बंटी छगानी, नगर मंडल अध्यक्ष सहित अन्य सदस्य एवं गणमान्य नागरिक उपस्थित रहे।

कार्यक्रम में अतिथियों ने सेवा संकल्प एवं विकसित भारत अभियान के संदर्भ में देशसेवा, देशभक्ति, आदर्श चरित्र और विद्यार्थी जीवन के महत्व पर विद्यार्थियों को संबोधित किया।

कार्यक्रम के अंत में विकासखंड शिक्षा अधिकारी पांढुर्णा एच.बी. हांडे ने सभी अतिथियों, प्रतिभागियों और आयोजन से जुड़े सदस्यों का आभार व्यक्त किया। उन्होंने कहा कि इस तरह की प्रतियोगिताएं विद्यार्थियों को अपनी प्रतिभा प्रदर्शित करने के साथ-साथ रचनात्मकता और वक्तृत्व कौशल विकसित करने का अवसर प्रदान करती हैं।

NCIB NEWS | खबर से हकीकत तक

अवैध शराब निर्माण के खिलाफ आबकारी विभाग की दबिश

उमरीमुक्ता और कुकड़ीखापा में कार्रवाई, 300 किलो महुआ लाहन नष्ट

पांढुर्णा, 28 सितंबर 2026।
कलेक्टर श्री नीरज कुमार वशिष्ठ के निर्देशन एवं सहायक आबकारी आयुक्त श्री बी.आर. वैद्य के मार्गदर्शन में जिले में अवैध शराब के निर्माण एवं विक्रय के विरुद्ध आबकारी विभाग द्वारा लगातार कार्रवाई की जा रही है।

इसी क्रम में आबकारी वृत्त पांढुर्णा की टीम ने ग्राम उमरीमुक्ता एवं कुकड़ीखापा में अवैध शराब निर्माण के ठिकानों पर दबिश देकर कार्रवाई की।

नालों और जंगल में छिपाकर रखा था महुआ लाहन

कार्रवाई के दौरान नालों एवं जंगल में झाड़ियों के आसपास अवैध हाथ भट्टी महुआ शराब निर्माण के लिए एकत्रित किया गया लगभग 300 किलोग्राम महुआ लाहन बरामद किया गया। आबकारी दल द्वारा नियमानुसार इसका सैंपल लिया गया तथा शेष महुआ लाहन को मौके पर ही विधिवत नष्ट किया गया।

जांच के दौरान अवैध शराब निर्माण के लिए उपयोग में लाई जा रही चालू भट्टी भी पाई गई।

आबकारी अधिनियम के तहत प्रकरण दर्ज

मामले में मध्यप्रदेश आबकारी अधिनियम, 1915 (संशोधन 2000) की धारा 34(1)(च) के अंतर्गत प्रकरण कायम कर विवेचना में लिया गया है।

इस कार्रवाई में आबकारी वृत्त प्रभारी श्री अनिकेत पटेल एवं आरक्षक श्री मुकेश राहांगडाले उपस्थित रहे।

आबकारी विभाग द्वारा अवैध शराब निर्माण एवं विक्रय के विरुद्ध आगे भी कार्रवाई जारी रखने की बात कही गई है।

NCIB NEWS | खबर से हकीकत तक

पांढुर्णा | मध्यप्रदेश