Krishnat Mali

कोल्हापूर; पुणे बेंगलोर या राष्ट्रीय महामार्गावर अपघाताचे प्रमाण दिवसेंदिवस वाढत आहे किणी टोल नाका ते कोगणोळी टोल नाका दरम्यान महामार्गाचे काम सुरू असून गेली बरेच दिवस होऊन गेले रस्त्याच्या कामाला गती नाही जागो जागी पुलाचे काम अर्धवट स्थितीत आहे कोणत्याही एका बाजूचे काम पूर्ण झालेले दिसत नसेल प्रत्येक ठिकाणी अर्धवट अर्धवट काम सुरू आहे या रस्त्यावरून कोल्हापूर शहरात आसपासच्या गावातून जिल्ह्यातील गावातून शाळा महाविद्यालय साठी विद्यार्थी तसेच आसपासच्या एरियामध्ये साखर कारखाने सुद्धा आहेत तसेच शिरोली कागल गोकुळ शिरगाव येथे एमआयडीसी असलेले मोठे मोठे उद्योगधंदे या भागात आहेत या रस्त्यावरून एमआयडीसीचीही कर्मचारी इंडस्ट्रियल कंपन्यांची वाहतूक मोठ्या प्रमाणात सुरू आहे हा रस्ता गेले दीड वर्ष पासून काम सुरू आहे परंतु सदर रस्ता कोणत्याही एका बाजूने पूर्ण झालेला दिसत नाही दोन्ही बाजूने अपूर्ण कामे अर्धवट स्थितीत दिसत आहे कोल्हापूर शहर हे महाराष्ट्र राज्यातील पश्चिम महाराष्ट्रातील अग्रगण्य व महत्त्वाचे शहर असून या शहरांमध्ये व कोल्हापूर जिल्ह्यामध्ये मोठ्या प्रमाणात पर्यटन स्थळ व तीर्थक्षेत्र असून दररोज या शहरांमध्ये महाराष्ट्र मधून व इतर राज्यायातून भाविक व पर्यटक वाहनाच्या माध्यमातून येत आहेत तसेच कोल्हापूर पासून जवळच कागल गोकुळ शिरगाव व पुलाची शिरोली येथे मोठ्या प्रमाणात एमआयडीसी सुरू असून या रोडवरती मोठ्या प्रमाणात वाहतूक सुरू असते तसेच या रस्त्यावरून कोल्हापूर शहरात ये जा करत असताना रहदारीमुळे वाहन चालकांना तासंतास तारेवरची कसरत करावी लागत आहे अशा अर्धवट कामामुळे अपघाताचे प्रमाण वाढले असून प्रशासनाने या बाबतीत लक्ष घालून हा रस्ता लवकरात लवकर पूर्ण करून घ्यावा अशी मागणी वाहन चालक व नागरिकांतून केली जात आहे.

कोल्हापूर – बांगलादेशातील हिंदू अल्पसंख्याकांच्या संरक्षणासाठी कायदेशीर मार्गाने आंदोलन करणार्‍या बांगलादेशातील इस्कॉनचे प्रमुख स्वामी चिन्मय कृष्णदास ब्रह्मचारी यांना देशद्रोहाच्या आरोपाखाली अन्याय्य अटक करण्यात आली आहे. ही अटक म्हणजे हिंदू अल्पसंख्याकांचे हक्क दडपण्याचा आणखी एक प्रकार आहे, याचा आम्ही तीव्र शब्दात निषेध करतो. भारत सरकारने तातडीने पावले उचलून चिन्मय कृष्णदास ब्रह्मचारी यांची विनाअट सुटका व्हावी आणि हिंदू अल्पसंख्याकांच्या संरक्षणासाठी तेथील सरकारला भाग पाडावे. भारताने बांगलादेशशी असलेले सर्व संबंध तोडावेत आणि प्रसंगी सैनिकी कारवाई करण्यास मागेपुढे पाहू नये, अशी एकमुखी मागणी हिंदु राष्ट्र समन्वय समिती वतीने ३ डिसेंबर या दिवशी छत्रपती शिवाजी महाराज चौक येथे करण्यात आलेल्या आंदोलनात करण्यात आली. या वेळी इस्कॉनसह विविध हिंदुत्वनिष्ठ संघटनांचे १५० हून अधिक प्रतिनिधी उपस्थित होते.

स्वामी चिन्मय कृष्णदास ब्रह्मचारी यांनी हिंदूंवर होणार्‍या अन्यायाला विरोध करत शांततापूर्ण मार्गाने आपले हक्क मागितले. त्यांच्या अटकेने बांगलादेशातील हिंदूंच्या धर्मस्वातंत्र्याला गंभीर धोका निर्माण झाला आहे. हिंदूंवरील हे अत्याचार रोखले नाही, तर त्याचे लोण भारतात येण्यास वेळ लागणार नाही; म्हणून हिंदूंना भारत सरकारकडून कठोर भूमिका आणि निर्णायक पावले उचलण्याची मागणी या प्रसंगी करण्यात आली.

या वेळी ह.भ.प. महादेव यादव महाराज, शिवसेनेचे उपजिल्हाप्रमुख श्री. किशोर घाटगे, ‘इस्कॉन’चे श्री. राहुल देशपांडे, उद्धव बाळासाहेब ठाकरे पक्षाचे करवीरतालुकाप्रमुख श्री. राजू यादव, हिंदू एकता आंदोलनाचे जिल्हाप्रमुख श्री. दीपक देसाई आणि शहरप्रमुख श्री. गजानन तोडकर, हिंदु राष्ट्र समन्वय समितीचे श्री. आनंदराव पवळ, महाराष्ट्र मंदिर महासंघाचे समन्वयक श्री. अभिजित पाटील, शिवशाही फाऊंडेशनचे संस्थापक श्री. सुनील सामंत, डॉ. अश्‍विनी माळकर, राष्ट्रहित प्रतिष्ठानचे श्री. शरद माळी, श्री. प्रसन्न शिंदे, हिंदु जनजागृती समितीचे श्री. किरण दुसे यांनी त्यांचे मनोगत व्यक्त केले. या वेळी शिवसेनेचे उपजिल्हाप्रमुख श्री. उदय भोसले, श्री. अर्जुन आंबी, श्री. विकास जाधव, ‘इस्कॉन’चे प्रमुख श्री. दीपक खोत, श्री. हिंदु जनजागृती समितीचे श्री. शिवानंद स्वामी, श्री संप्रदायाचे जिल्हाध्यक्ष श्री. कृष्णात माळी, ‘महाराजा प्रतिष्ठान’चे संस्थापक श्री. निरंजन शिंदे, मराठा तितुका मेळवावाचे श्री. योगेश केरकर, ‘स्वयंसिद्धा’च्या सौ. स्मिता डोंगरकर,हिंदु महासभेच्या महिला आघाडीप्रमुख सौ. शीलाताई माने यांसह अन्य उपस्थित होते.

उपस्थित संघटना आणि पक्ष – शिवसेना, इस्कॉन, हिंदू एकता आंदोलन, हिंदू महासभा, श्री शिवप्रतिष्ठान हिंदुस्थान, महाराष्ट्र मंदिर महासंघ, राष्ट्रीय स्वयंसेवक संघ, हिंदु जनजागृती समिती, वारकरी संप्रदाय, सनातन संस्था, मराठा तितुका मेळवावा, महाराजा प्रतिष्ठान, उद्धव बाळासाहेब ठाकरे पक्ष, भाजप
इत्यादी उपस्थित होते यावेळी सर्वानुमते भारताने बांगलादेशाशी असलेले सर्व संबंध तोडावे आणि प्रसंगी सैनिकी कारवाई करावी – १५० हून अधिक हिंदूंची छत्रपती शिवाजी महाराज चौकात एकमुखी मागणी केली असलेली माहिती
श्री. आनंदराव पवळ शिवानंद स्वामी
‘हिंदु राष्ट्र समन्वय समिती’यांनी दिली