Krishnat Mali

मुंबई : राष्ट्रसंत श्री समर्थ रामदास स्वामी महाराज यांनी रचलेल्या ‘मनाचे श्लोक’ या पवित्र धार्मिक ग्रंथाच्या नावाचा वापर करून त्याच नावाने मराठी चित्रपटाची निर्मिती करणे, हा हिंदूंच्या श्रद्धेचा बाजार मांडण्यासारखे आहे. हा समर्थ रामदासस्वामींचा अपमानच आहे. उच्चतम नैतिक मूल्ये शिकवणाऱ्या ग्रंथाचे नाव केवळ मनोरंजन, व्यावसायिक लाभ आणि सवंग प्रसिद्धीसाठी वापरणे, हा कोट्यवधी श्रीरामभक्तांच्या आणि समर्थभक्तांच्या धार्मिक भावना पायदळी तुडवण्याचा प्रकार आहे. संतपरंपरेचा हा अपमान हिंदू समाज कदापि सहन करणार नाही. जर या चित्रपटाचे नाव तात्काळ बदलले नाही, तर हिंदू समाज रस्त्यावर उतरून आंदोलन करेल आणि चित्रपट प्रदर्शित होऊ देणार नाही. शासन आणि सेन्सॉर बोर्डाने याची तातडीने गंभीर दखल घेऊन “मनाचे श्लोक” हे पवित्र नाव चित्रपटाच्या शीर्षकातून हटवण्यासाठी आवश्यक कार्यवाही करावी, अशी मागणी हिंदु जनजागृती समितीचे महाराष्ट्र आणि छत्तीसगड राज्य संघटक श्री. सुनील घनवट यांनी केली आहे.

श्री. सुनील घनवट पुढे म्हणाले की,”या संदर्भात समितीच्या वतीने शासन व सेन्सॉर बोर्डाला निवेदन देण्यात येणार असून, संबंधितांना कायदेशीर नोटीसही पाठवली जाईल. अभिव्यक्ती स्वातंत्र्याच्या नावाखाली कोणी कुराण किंवा बायबल यांसारख्या धार्मिक ग्रंथांची नावे वापरून चित्रपट बनवण्याचे धाडस करेल का? आणि जरी केले, तरी सेन्सॉर बोर्ड त्याला परवानगी देईल का? मग केवळ हिंदूंच्याच धार्मिक भावना वारंवार का दुखावल्या जातात? यापूर्वी ‘द डा विंची कोड’ आणि ‘विश्वरूपम’ यांसारख्या चित्रपटांमुळे अनुक्रमे ख्रिस्ती व मुस्लिम धर्मीयांच्या भावना दुखावल्याने अनेक राज्यांत त्यांच्या प्रदर्शनावर बंदी घालण्यात आली होती. या चित्रपटाच्या बाबतीतही कायदा-सुव्यवस्थेचा प्रश्न निर्माण झाल्यास त्याला सर्वस्वी चित्रपट निर्माते, दिग्दर्शक आणि सेन्सॉर बोर्ड जबाबदार असतील.”

श्री. घनवट पुढे म्हणाले, ‘‘सर्वोच्च न्यायालयाने लाल बाबू प्रियदर्शी विरुद्ध अमृतपाल सिंग [(2015) 16 SCC 795] या खटल्यात स्पष्ट केले आहे की, ‘रामायण’सारख्या पवित्र ग्रंथांच्या नावांचा वापर व्यावसायिक फायद्यासाठी मक्तेदारी म्हणून करता येत नाही. या तत्त्वानुसार ‘मनाचे श्लोक’ हे नाव चित्रपटासाठी वापरणे कायद्याच्या आणि नैतिकतेच्या विरोधात आहे. भारतीय न्याय संहिता (BNS) कलम २९९ नुसार हेतुपुरस्सर धार्मिक भावना दुखावणे हा एक गंभीर, दखलपात्र आणि अजामीनपात्र गुन्हा आहे; तसेच सिनेमॅटोग्राफ कायदा १९५२च्या कलम ५-ब नुसार सामाजिक सलोखा आणि नैतिकता धोक्यात आणणाऱ्या कोणत्याही चित्रपटाला प्रमाणपत्र न देण्याची जबाबदारी सेन्सॉर बोर्डाची आहे.’’

शेवटी श्री. घनवट यांनी म्हटले की, ‘मनाचे श्लोक’ हे शीर्षक चित्रपटातून त्वरित आणि बिनशर्त मागे घ्यावे. केंद्र आणि राज्य शासनाने भविष्यात अशा प्रकारे धार्मिक प्रतीकांचा गैरवापर रोखण्यासाठी कठोर कायदा करावा अशी माहिती.
श्री. सुनील घनवट,
राज्य संघटक, महाराष्ट्र आणि छत्तीसगड,
हिंदु जनजागृती समिती यांनी दिली.

मिरा भाईंदर : शहरातील विविध सार्वजनिक गणेश मंडळांकडून मोठ्या प्रमाणात गणेशमूर्तींची प्रतिष्ठापना करण्यात आली असून, ११ दिवसांच्या विसर्जनाच्या दिवशी हजारो गणेशभक्त जमतात. या पार्श्वभूमीवर कोणताही अनुचित प्रकार घडू नये यासाठी परिमंडळ १ च्या हद्दीत पोलिसांनी विशेष बंदोबस्त ठेवण्यात आला आहे.विसर्जनाच्या वेळी मिरवणुका काढण्यात येतात. मात्र, याच गर्दीचा गैरफायदा घेत काही समाजकंटक अनुचित प्रकार करत असतात.विशेषतः महिला आणि मुलींविरोधात होणार्‍या छेडछाडीच्या घटनांवर यंदा कठोर कारवाईचे धोरण राबवले जाणार आहे. पोलिसांनी अशा घटनांवर लक्ष ठेवण्यासाठी एकूण सात पथक तयार करण्यात आले असून त्यात प्रत्येकी चार कर्मचारी असणार आहेत. हे पथक महिलांचे दागिने चोरीला जाणे व छेडछाड यावर लक्ष देणार आहेत.याच बरोबर विसर्जन स्थळी कोणत्याही होकर्सला परवानगी देण्यात आले नसल्यामुळे अडथळा निर्माण होणार नाही. स्थानिक पोलीस ठाण्याचे देखील त्यांच्या हद्दीत व विसर्जन ठिकाणी बंदोबस्त असणार आहे. तसेच, मिरवणुकीदरम्यान होणार्‍या पाकीटमारांच्या हालचालींवरही पोलिसांची बारीक नजर राहणार आहे. गर्दीचा फायदा घेत चोरी करणार्‍या टोळ्यांवर लक्ष ठेवण्यासाठी सिव्हिल ड्रेसमध्ये पोलिसांची गुप्त पथके कार्यरत होती तसेच सीसीटीव्ही कॅमेर्‍यांच्या माध्यमातून देखील विसर्जन मिरवणूक मार्गावर सातत्याने नजर ठेवली होती.वाहतूक नियंत्रणासाठी विशेष व्यवस्था करण्यात आली आहे.

मिरा-भाईंदर-वसई विरार पोलीस कडेकोट पोलीस बंदोबस्त ठेवण्यात आला होता. एकूण ५ पोलीस उपायुक्त, ९ सहाय्यक पोलीस आयुक्त, २८० पोलीस अधिकारी, २३०० पोलीस अंमलदार, २०० होमगार्ड तसेच महाराष्ट्र सुरक्षा बलाचे २३० कर्मचारी, दोन स्ट्राइकिंग तसेच प्रत्येक परिमंडळामध्ये दंगल नियंत्रण पथकच्या तीन तुकड्या आणि एसआरपीच्या तीन तुकड्या तैनात होत्या
त्याचबरोबर पोलीस प्रशासना सोबत नागरिक अधिकार सुरक्षा परिषद(CRPC)चे महाराष्ट्र स्टेट डायरेक्टर श्री देवेंद्र वखारिया यांच्या मार्गदर्शनानुसार सी.आर.पी.सी अधिकारी गौरव शहा विशाल शहा सतीश जैन जितेंद्र गांधी जिगर पटेल यांनी अकरा दिवस पोलीस प्रशासनासोबत सेवा बजावल्याची माहिती सीआर.पी.सी स्टेट डायरेक्टर देवेंद्र वखारिया यांनी दिली.

कोल्हापूर : कोल्हापूर जिल्ह्यात हवामान ढगाळ राहण्याची शक्यता आहे आणि काही ठिकाणी मध्यम ते जोरदार पाऊस पडू शकतो, विशेषतः गगनबावडा, शाहूवाडी, राधानगरी आणि भुदरगड तालुक्यांमध्ये. हवामान विभागाने जिल्ह्यातील काही भागांसाठी ‘ऑरेंज अलर्ट’ जारी केला आहे, त्यामुळे नागरिकांनी सावधगिरी बाळगावी.
सविस्तर माहिती:
हवामान :आज, ०१ सप्टेंबर २०२५ रोजी, कोल्हापूरमध्ये हवामान ढगाळ राहील आणि काही ठिकाणी मुसळधार पाऊस पडण्याची शक्यता आहे.
अतिवृष्टीचा इशारा: हवामान विभागाने जिल्ह्याला मंगळवारपासून पुढील ३ दिवसांसाठी ‘ऑरेंज अलर्ट’ जारी केला आहे.
प्रमुख पावसाची ठिकाणे: गगनबावडा, शाहूवाडी, आजरा आणि भुदरगड या तालुक्यांमध्ये अधिक पाऊस पडण्याची शक्यता आहे.
धरणांमधील स्थिती: धरणक्षेत्रातही पाऊस वाढल्याने धरणातील पाण्याचा विसर्ग वाढण्याची शक्यता आहे.
जिल्ह्यात पावसाची रिपरिप सुरूच राहिल्याने धरण पाणीसाठ्यात वाढ होत आहे.
राधानगरी धरणाचे दरवाजे उघडल्याने धरणातून पाण्याचा विसर्ग सुरू आहे.
पंचगंगा नदीची पातळी वाढत असून काही बंधारे पाण्याखाली जाण्याची शक्यता आहे.
नागरिकांसाठी सूचना:
पावसामुळे काही भागात पूरस्थिती निर्माण होण्याची शक्यता असल्यामुळे नागरिकांनी सावध राहावे आणि आवश्यक ती खबरदारी घ्यावी.
धरण परिसरातील गावांमधील नागरिकांनी विशेष काळजी घ्यावी आणि प्रशासनाने दिलेल्या सूचनांचे पालन करावे.
ऑगस्ट महिन्यात अनेक भागात धुव्वाधार पावसाच्या सऱ्या कोसळल्याने आधीच बळीराजाचं मोठ्या प्रमाणावर नुकसान झालं आहे. शेतात पावसाचे पाणी साचत अनेक पिके पाण्याखाली गेली आहे. खास करून महाराष्ट्रातील मराठवाडा आणि विदर्भात पिकांचं मोठं नुकसान झालं आहे. नांदेडसारख्या जिल्ह्यात अनेक ठिकाणी पूर आला, घरात पाणी शिरलं. आता ऑगस्ट महिना सरला असून सप्टेंबर महिना चालू झाला आहे, मात्र या महिन्यातही धडकी भरवणारा पाऊस पडेल असा अंदाज तज्ज्ञांकडून वर्तवण्यात आला आहे. नद्यांच्या पाणी पातळीती ही वाढ होत असलेली दिसत आहे सप्टेंबर महिन्यात सरासरीपेक्षा जास्त पाऊस पडेल अशी शक्यता आहे काही राज्याची चिंता वाढणार
भारतीय हवामान विभागाने संपूर्ण सप्टेंबर महिन्यात पाऊस कसा असेल, याचा एक अंदाज व्यक्त केला आहे. हवामान विभागाच्या अंदाजानुसार, सप्टेंबर २०२५ मध्ये मासिक सरासरी पाऊस १६७.९ मिमी या दीर्घकालीन सरासरीच्या १०९% पेक्षा जास्त होईल. देशाच्या बहुतेक भागात सामान्य ते सामान्यपेक्षा जास्त पाऊस कोसळण्याची शक्यता आहे. हवामान विभागाच्या या इशाऱ्यामुळे काही राज्याची चिंता वाढणार आहे, तर काही राज्यांना पावसाचा थेट धोका नसला तरी खबरदारी घ्यावी लागणार आहे. सप्टेंबर महिन्यात वायव्य, मध्य आणि दक्षिण भारतात पावसाचे प्रमाण सरासरी पेक्षा कमी राहील.

आयएमडीचे महासंचालक मृत्युंजय महापात्रा यांनी एका ऑनलाइन पत्रकार परिषदेत बोलताना म्हंटल कि, सप्टेंबर महिन्यात उत्तराखंडमध्ये मुसळधार पावसामुळे भूस्खलन आणि पूर येऊ शकतात आणि दक्षिण हरियाणा, दिल्ली आणि उत्तर राजस्थानमधील सामान्य जनजीवन विस्कळीत होऊ शकते. छत्तीसगडमधील महानदीच्या वरच्या पाणलोट क्षेत्रातही मुसळधार पाऊस पडण्याची शक्यता त्यांनी व्यक्त केली. सप्टेंबर मध्ये महाराष्ट्रातील पाऊस समाधानकारक असण्याची शक्यता वर्तवण्यात आली आहे.
आज कसं असेल पावसाचे वातावरण?
महाराष्ट्रात आज पूर्व विदर्भ, मराठवाडा आणि कोकण किनारपट्टीसह घाटमाथ्यावर जोरदार पाऊस कोसळण्याची शक्यता आहे. नवी मुंबई आणि ठाणे जिल्ह्यांमध्येही हलक्या रिमझिम पावसाचे वातावरण राहणार आहे. हवामान विभागाने रायगड, रत्नागिरी, सिंधुदुर्ग, सातारा घाटमाथा, पुणे घाटमाथा, कोल्हापूर घाटमाथा, छत्रपती संभाजीनगर, जालना, हिंगोली, परभणी, नांदेड, वर्धा, नागपूर, गडचिरोली, भंडारा, गोंदिया, चंद्रपूर या जिल्ह्याना येलो अलर्ट जारी केला आहे.

कोल्हापूर : पेठ वडगांव येथील सोमनाथ नागरी सहकारी पतसंस्थेने अल्पावधीतच गरूड भरारी घेत हेडऑफीस सह १५ शाखे मध्ये कामकाज सुरू असुन आज संस्थेच्या वार्षिक सर्वसाधारण सभेच्या सुरुवातीला शिराळा बँकेचे माजी जनरल मॅनेजर चंद्रकांत माळी यांच्या हस्ते प्रतिमापूजन व के.डी.सी.सी. बँकेचे माजी बँक निरीक्षक हंबीरराव वडणगे शाखा चेअरमन सुभाष पाटील व सर्व संचालक मंडळ यांच्या हस्ते दीप प्रज्वलन झाले या वार्षिक सर्वसाधारण सभेच्या निमित्ताने संस्थेच्या संस्थापक चेअरमन अशोकराव माळी यांनी ३१ मार्च २५ अखेर संस्थेने केलेल्या प्रगतीचा अहवाल वाचन करून अल्पावधीत संस्थेने ३१ मार्च अखेर वसुल भाग भांडवल १कोटी ८३ लाख ५२ हजार ५०० रुपये ,
निधी २ कोटी १६ लाख १० हजार, ठेवी ३१ कोटी ५१ लाख ६५ हजार, गुंतवणूक ८ कोटी ६ लाख ९ हजार , कर्जे २६ कोटी ५३ लाख २९ हजार ,नफा ५१ लाख १६ हजार, खेळते भांडवल ५० कोटी ४३ लाख २० हजार इतका वाढता आलेख सांगितला असून संस्थेचा मुख्य उद्देश कुटीर उद्योग धंद्यांना अर्थ पुरवठा व आधुनिक तंत्रज्ञानाचा वापर करून नवीन संकल्पनेच्या साह्याने सभासदांचे व समाजाचे जीवनमान उंचवण्यासाठी सतत कार्यरत आर्थिक परिस्थिती सुधारण्यासाठी विविध कर्ज योजना करून आर्थिक पुरवठा करणेस कटीबद्ध राणार तसेच पुढील सात वर्षाची उद्दिष्टे व ध्येय धोरण संस्थेच्या रोप्यमहोत्सवा पर्यंत १०० कोटी ठेवी, ५०० कोटी व्यवसाय ,२०० कर्मचारी, ३ कोटी प्रती कर्मचारी व्यवसाय, ७० कोटी कर्जे ,कार्यक्षेत्र महाराष्ट्र,शाखा ४० अशी उद्दिष्टे असल्याची माहिती दिली तसेच संस्थेस स्थापनेपासून सतत ऑडिट वर्ग ‘अ’ शासनाकडून कोल्हापूर व सांगली जिल्हा कार्यक्षेत्रास मंजुरी असून सर्व शाखा मध्ये कोअर बँकिंग प्रणालीद्वारे NEFT/RTGS त्वरित उपलब्ध लवकरच सांगली जिल्ह्यात चार शाखा सुरू करणार असल्याची माहिती दिली तसेच सभासदांनी आपले व्यवहार संस्थेमध्ये करण्याचे आव्हान केले.

यावेळी तात्यासाहेब मोहिते प्रशिक्षण केंद्राचे उपप्राचार्य श्री पी.बी. घाडगे यांनी सभासदांना प्रशिक्षण दिले व सहकाराचे महत्व पटवून दिले तसेच सहकार कायद्या बद्दल माहिती दिली संस्थेने चांगली कामगिरी केल्याबद्दल संस्थेच्या संचालक मंडळ व कर्मचारी व सभासद यांचे कौतुक केले.
यावेळी सभासदांच्या दहावी व बारावी ७५ टक्के च्यापुढे मार्क मिळालेल्या गुणवंत विद्यार्थ्यांचा सत्कार व संस्थेच्या गुणवंत कर्मचारी व पिग्मी एजंट यांचा सत्कार करण्यात आला तसेच शाखा वडणगे यांनी चार महिन्यांमध्ये १ एक कोटी ठेवीचा टप्पा पूर्ण केला त्याबद्दल संचालक मंडळ व कर्मचारी यांचाही सत्कार करण्यात आला. यावेळी संस्थापिका सौ रूपाली माळी व्हा चेअरमन बजरंग माळी संचालक देवप्पा चोपडे, हंबीरराव देसावळे, महेशकुमार नाझरे, संतोष जाधव, पोपट खाडे, संपतराव पाटील, संजय धोंगडे संचालिका दिपाली माळी ,नयन पाडळकर, राजाराम कारखान्याचे संचालक डॉ. एम बी किडगावकर तसेच सर्व शाखांचे चेअरमन व सल्लागार समिती उपस्थित होते

या कार्यक्रमाचे सूत्रसंचालन दिलीप पवार सर यांनी केले प्रस्ताविक असिस्टंट जनरल मॅनेजर नागनाथ माळी यांनी केले अहवाल वाचन संस्थेचे संस्थापक चेअरमन श्री अशोकराव माळी यांनी केले आभार जनरल मॅनेजर कृष्णात माळी यांनी मांणले.

कोल्हापूर: कोल्हापूर शहरामध्ये दिनांक २७/०८/२०२५ रोजी राजारामपुरी येथे एकुण ५१ सार्वजनिक आगमन मिरवणुक होणार आहे. सदरची मिरवणुक ही जनता बाजार चौक ते आग्नेयमुखी मारुती मंदिर या मार्गावरून होणार आहे. याकरीता जनता बाजार चौक ते आग्नेय मुखी मारुती मंदिर हा मिरवणुक मार्ग आणि जनता बाजार चौकाकडे जाणारे सर्व मार्ग या वाहतुकीचे योग्य ते नियमन करणे गरजेचे आहे. तसेच, सदर मिरवणुकीच्या अनुषंगाने राजारामपुरी आणि जनता बाजार चौक शी संबंधीत मार्ग मोटार वाहनांना बंद व खुले करणे वन वे मार्ग शिथिल करणे बाबतचे निर्देश मा. पोलीस अधीक्षक सो यांनी दिले आहेत ते खालीलप्रमाणे-

अ)वन-वे मार्गात शिथिलता

खालील वन वे मार्ग हा सार्वजनिक मंडळाचे गणेश मुर्ती आगमन मिरवणुकीतील वाहनांसाठी ये-जा करणेच्या कालावधी करीता शिथील करण्यात येत आहेत.

०१ जनता बाजार चौक ते आग्नेय मुखी मारुती मंदिर

ब)वाहतुकीसाठी बंद व खुले करणेत आलेले मार्ग

१ राजारामपूरी ११ वी गल्ली आग्नेय मुखी मारुती मंदिर ते जनता बाजारकडे येणा-या (राजारामपूरी मेन रोडवरील) वाहतुक दोन्ही बाजूस पूर्णपणे बंद करणेत येत आहे.

२ बाईचा पुतळा चौकाकडून ताराराणी विद्यापीठकडे (व्ही टी पाटील सभागृह) जाणारी सर्व मोटार वाहनांना बाईचा पुतळा या ठिकाणी प्रवेश बंद करणेत येत असून सदर मोटार वाहन चालकांसाठी के रामचंद्र भाऊसो कांबळे चौक (शाळा नं ९) ते शाहुमिल पोलीस चौकी हा एक दिशा मार्ग करणेत येत आहे.

३ शाहुमिल पोलीस चौकीकडून के रामबंद्र भाऊसो कांबळे चौकाकडे (शाळा नं ९) जाणारी सर्व मोटार वाहतुक शाहुमिल पोलीस चौकी या ठिकाणी प्रवेश बंद करणेत येत असून सदर मोटार वाहन चालकासाठी ताराराणी विद्यापीठ (व्ही टी पाटील सभागृह) ते बाईचा पुतळा चौक हा एक दिशा मार्ग करणेत येत आहे.

४ बागल चौक येथुन जनता बाजार कडे जाणारी वाहतुक आवश्यकतेनुसार थांबविण्यात येईल, सदरची वाहतुक ही बागल चौक ते बीटी कॉलेज आणि पुढे अन्य पर्यायी मार्गान मार्गस्थ होईल.

५ टाकाळा चौक येथुन जनता बाजार चौकाकडे जाणारी वाहतुक आवश्यकतेनुसार थांबविण्यात येईल. सदरची वाहतुक ही मा. पी. एन पाटील बंगला किंवा रेल्वे फाटक कडे आणि पुढे अन्य पर्यायी मार्गाने मार्गस्थ होईल,

६ शहाजी लॉ कॉलेज चौक येथुन जनता बाजार चौकाकडे जाणारी वाहतुक आवश्यकतेनुसार थांबविण्यात येईल. सदरची वाहतुक ही टाकाळा चौकाकडे किंवा परिख पुलाकडे आणि पुढे अन्य पर्यायी मागनि मार्गस्थ होईल.

क) पार्किंग व्यवस्था

०१ व्हि टी पाटील भवन परिसर

२ राजारामपुरी शाळा क्र.०९ मैदान

३ दसरा चौक

४ बिंदू चौक

वरील सर्व मार्ग हे दिनांक २७/०८/२०२५ रोजी सायंकाळी १६:०० वाजले पासून राजारामुपरी येथील सार्वजनिक श्री. गणेश मुर्तींचे आगमन मिरवणूकीने होईपर्यंत मिरवणुकीतील वाहना करीता वनवे मार्ग शिथिल व इतर सर्व मोटार वाहनांना प्रवेश बंद सुरु करणेत येत आहेत.
अशी माहिती कोल्हापूर शहर वाहतूक नियंत्रण शाखेचे पोलीस निरीक्षक नंदकुमार मोरे यांनी दिली