कोल्हापूर – रामानंद संप्रदाय जिल्हा सेवा समिती, कोल्हापूर जिल्हा यांच्या वतीने हिंदू नववर्षानिम्मित शहरात भव्य शोभा यात्रा काढण्यात आली.शोभायात्रेस प्रारंभ दुपारी ४ वाजता मा.श्री. आकाराम देसाई आजारा तालुकाध्यक्ष यांच्या हस्ते श्रीफळ वाढवून प्रायव्हेट हायस्कूल येथून झाली. यावेळी संस्थांचे ट्रस्टी अभिजीत अवसरे उपस्थित होते अत्यंत शिस्तबद्ध आणि विविध प्रबोधनपर फलकांनी, तसेच विविध देखावे यांनी सर्वांचे लक्ष्य वेधून घेतले.प्रायव्हेट हायस्कूल येथून चालू झालेली हि शोभायात्रा मिरजकर तिकटी, बिनखांबी गणेश मंदिर, महाद्वार रोड, पापाची तिकटी येथून परत प्रायव्हेट हायस्कूल येथे समाप्त झाली.या शोभायात्रेत शोभायात्रेचा बँनर – मोटारसायकल रॅली – निशानधारी महिला आणि पुरुष ढोल पथक कलशधारी महिला श्रीराम पंचायतन घोडमावर बसलेले छत्रपती शिवाजी महाराज – मावळ्यांची वेशभूषा – झाशीची राणी – विविध वेशभूषा – लेझीम पथक मर्दानी खेळ – भजन मंडळ जगद्गुरू रामानंदाचार्य नरेंद्राचार्यजी यांची पालखी व फोटो असणारा रथ विशेष सजवण्यात आला होता.या शोभायात्रेची सांगता प्रायव्हेट हायस्कूल येथे आरती करून करण्यात आली. या शोभायात्रेस श्री कृष्णात माळी, मधुकर बाबर,एम.आर.पाटील, दिलीप कोळी, विजय धनवडे,रमेश मगदूम, राधिका पाटील, नीता सुतार, सीमा पाटील, प्रणाली पाटील, अमित लाड, अमोल पाटील, विजय पाटील, महेश पाटील, दशरथ मोहिते, आकाश साळोखे, सुभाष सुतार , माधुरी मोळे पुजा चव्हाण शोभा धनवडे कृष्णात पाटील यांच्या सह सर्व तालुका कमिटी, यासह भक्तगण मोठ्या संख्येने सहभागी झाले होते.